बर्लिन – भारतीय लेखिका अरुंधती रॉय यांनी बर्लिन आंतरराष्ट्रीय चित्रपट महोत्सवातून माघार घेतल्याची घोषणा केली आहे. गाझावरील इस्रायलच्या नरसंहार युद्धाबद्दल ज्युरी सदस्यांनी “अविवेकी विधाने” केल्यामुळे त्यांनी या महोत्सवातून माघार घेतल्याचे जाहीर केले आहे.
भारतातील’ द वायर’ वृत्तपत्रात लिहिताना, रॉय म्हणाल्या की बर्लिन ज्युरीच्या सदस्यांनी, ज्यात त्यांचे अध्यक्ष, प्रशंसित दिग्दर्शक विम वेंडर्स यांचा समावेश आहे, “कला राजकीय नसावी” ही “अनावश्यक” अशी अलीकडील टिप्पणी त्यांना आढळली.
मला धक्का बसला आहे आणि तिरस्कार वाटला आहे,” रॉय यांनी लिहिले, “गाझामधील युद्ध थांबवण्यासाठी कलाकार, लेखक आणि चित्रपट निर्मात्यांनी त्यांच्या शक्तीनुसार सर्वकाही करायला हवे” असे राय यांचे मत आहे.
“मी हे स्पष्टपणे सांगू इच्छिते: गाझामध्ये जे घडले आहे, जे अजूनही घडत आहे, तिथे इस्रायलने पॅलेस्टिनी लोकांचा नरसंहार केला आहे, असे रॉय मृणाल्या . .या युद्धाला “अमेरिका आणि जर्मनी तसेच युरोपमधील इतर अनेक देशांच्या सरकारांचे समर्थन आणि निधी आहे, ज्यामुळे ते या गुन्ह्यात सहभागी आहेत,” असे त्या पुढे म्हणाल्या.गुरुवारी महोत्सवाच्या उद्घाटनासाठी आयोजित पॅनेल दरम्यान, एका पत्रकाराने ज्युरी सदस्यांना जर्मन सरकारच्या “गाझामधील नरसंहाराला पाठिंबा” आणि “मानवी हक्कांना निवडक वागणूक” या मुद्द्यांवर त्यांचे मत विचारले.महोत्सवाच्या सात सदस्यीय ज्युरीचे अध्यक्ष असलेले जर्मन चित्रपट निर्माते विम वेंडर्स यांनी उत्तर दिले की चित्रपट निर्मात्यांनी “राजकारणापासून दूर राहिले पाहिजे”.
